* മൗനത്തിന്റെ ആഴി *

കാലമൊഴുകുമ്പോൾ വേർപാടിന്റെ വേനൽ നമ്മെ തേടിയെത്തും..
മൗനത്തിന്റെ ചായക്കോപ്പയിൽ നിന്നുമൊരിറ്റ് 
നുകരാൻ ബാക്കി വെച്ച് പടിയിറങ്ങുമ്പോൾ,
ശരവേഗമെത്തുന്ന ഒാർമ്മകൾക്ക് മുന്നേ
നീയൊരു ബിന്ദുവായി കാഴ്ചയെ പരിഹസിക്കുന്നു..
അതെന്നും അങ്ങനെ തന്നെയാണ്..!!
നിന്റെ നൃത്തച്ചുവടിൽ താളം മറന്ന എന്നെയാണ് നീയാദ്യം പരിഹസിച്ചത്..
കൽപടവുകൾക്ക് പ്രേമച്ചായം പകർന്ന്
നിന്നെ കാത്തിരുന്നപ്പോഴും ഞാൻ കണ്ടതാ പരിഹാസമാണ്..!!

നുരകളിനിയും ചിന്നിച്ചിതറി അടങ്ങാത്ത ആഴിയെ
നിന്റെ നൂപുരത്തിൽ ദാ ഒതുക്കി വെച്ചു നീ യാത്രയാവുന്നൂ..
വീർപ്പടങ്ങാത്ത മേഘ മർമ്മരങ്ങളിൽ
ഞാനുമുറങ്ങട്ടേ.. അനിയൻ..